كلمات ترفع ضغط كل بنت والمتزوجات

السلام عليك ورحمة الله وبركاتة

هناك كلمات ترفع ضغط النساء دائماً وخاصة من الرجال

1 انتي هيه .. وين شماغي ... ( والمشكلة الشماغ جنبه الله لا يعمينا )

2 بروح اكشت مع اخوياي ..... ( روحت جدي ان شالله )

3 تراني بصيف اليوم ..... ( ماجبت جديد متعودة الحرمة )

4 ثواني وانا عند الباب ..اجهزي ( ولا يجي الا بعد ساعة وهي ملطوعة عند الباب )

5 جاي تعبان من الدوام ماني فاضي لك .. ( كن مايشتغل الا هو )

6 حريم مايجون الا بالعين الحمراء ... ( جملتهم المفضلة )

7 خذي عيالك وفارقوا عني .. صجيتوني ( كنهم عيالها لحالها )

8 دوري احد يوديك ويجيبك .. ( وانت وش شغلك )

9 راتبك ماطلع يابعد عمري .. ( توه يجي الكلام السنع يوم جت الدراهم )

10 زيدي العشاء ترى الرجاجيل كثروا .. ( والعشاء استوى وخلص وشلون تزيده )

11 سيارتي قاضي بنزينها ومامعي صرف معك سلف ( رددي ياليل مطولك كل يوم سلف )

12 شيلي المقاضي شوفيها عند الباب ( ورى ماتشيلها انت )

13 صديقي بيسافر برى تراني بخاويه ( خايف عليه يضيع والا وشلون )

14 ضايق صدري .. ضايق صدري .. كل مادخل للبيت ( وهو عند ربعه فاقن خشته )

15 طالق ... طالق ... طالق >>>>>> هذي ان خربت الاخلاق عاد

16 ظفي عفشك وروحي بيت اهلك ( تمن عليها في بيتك )

17 غالي هذا .. دوري غيره .. ( متحسفن عليها الغالي يامال الفقر )

18 فلااااااااان تزوج على حرمته ثانية .. ( يلمح الرجال )

19 قومي بلا دلع مافيك الا العافية ( وهي مصيخينه )

20 لا تروحوون بعيد ..( وماغير داااااقن اللطمه اذا طلع مع اهله)

21 معزوم في الاستراحة ... ( امحق عزيمه اللي كلها لعب بلوت )

22 ناااااااااااااادرا ماايشكرها على شي سوته ( والمسيكينه كل ماجاب شي شكرته )

23 هيه .. انتي ... ( طبعا هذا أسمهافي الاماكن العامة )

24 ليه ماتسمنين .. وان سمنت قال ..ليه ماتنحفين ( خيرهي لعبة اذا سمنت والا نحفت )

25 ياااااااااازين هالمذيعة ( ياخي استح على وجهك ,, اللي جنبك قوطي ماتعبرها )

وأخيراً اللي عنده كلمات ترفع الضغط يجيبها,,,,,,,,,,,

إلى اللقاء في لطشة قادمة ,, تحياتي

منقول

1 انتي هيه .. وين شماغي ... ( والمشكلة الشماغ جنبه الله لا يعمينا )
9 راتبك ماطلع يابعد عمري .. ( توه يجي الكلام السنع يوم جت الدراهم )

هذلا حلوات Rolling Eyes

15 طالق ... طالق ... طالق >>>>>> هذي ان خربت الاخلاق عاد

هذه قوية عادت Shocked

شكرا على الموضوع الحلووو

» كلمات من ذهب